كتبت/وﻻء حسن
ضمني
أحميني
رجعني
لأيام زمان
حسسني تاني بالأمان
أنا عايزة أحكيلك
ومعاك هغنيلك
أصلك واحشني
بالحق فكرني
هو ايه كان عنك حايشني
من 15سنة وأكتر شوية
مشافتكش ليه عنية
قرب مني واسمعني
أنا عارفة انك بتفهمني
مش هحكيلك عن أيامي اللي فاتت
لما شوفتك أحزاني ماتت
مش هزعل علي حاجة طول منت جنبي
اوعي تمشي وتبعد تاني وتسيبني
كنت فين الفترة دي قولي
ده الوهم خيلي
انك بعد الشر مت
وبكيت عليك وأتألمت
وخدنا عزاك وبيك حلمت
شوفتك بعباية حرير خفيفة
ووشك منور لكن كنت سامعة أصوات مخيفة
انا حاسة بإحساس غريب
وروحي رايحة وشعور عجيب
مشوار عمالة بجمعه
ايه ده اللي بسمعه
وعمالة انادي وأقول حد يلحقني
في حد سامعني
آتاري المنبه كان بيرن وصوته فوقني
